Удмурт кыл пиналъёслы шумпотон мед ваёз

«Удмурт нылкышно кенеш » огазеяськонлэн таяз арын ужамез сярысь нимысьтыз кыл сётэмын вал Надежда Степановалы.

«Вуж ӵектосъёсмес но азинтыны тыршиськом, выльёсыз бордын но ужаськом, — пусйиз со. — Калык пӧлы вӧлмизы ини «Выжы-выжы-выжыкыл» , «Пичи Чеберайёс но Батыръёс» нылпи фестивальёс, «Табань-клуб»,  «Ашальчи лыдӟонъёс, «Данъясько тонэ, анай» нимо ужрадъёс. Выльёсыз пӧлын — «Меми дор сяськаос» интернет — ӵошатскон, «Анайлы сӥзьыса» ӵектос. Али ёрос Нылкышно кенешъёс Анайлы сӥзем нуналлы дасясько, озьы ик выль ужрадъёс дасяло, кылсярысь, «Анае вуриз такъя»,  «Устоез анай» фестивальёс но мукет. Ар пумын анайлыкез ӝутон ужпумъя Нылкышно кенешчиосмы понна нимысьтыз дышетскон ортчытыны чакласьком».

Али Удмурт нылкышно кенеш Правленилэн ёзчиосыз «Пичи Чеберайёс но Батыръёс» фестивальлэн йылпумъян ужрадэзлы дасясько. Туэ фестиваль площадкаос радъямын вал 20 ёросъёсын, Можгакарын но Ижкарын.

10-тӥ шуркынмонэ Эшъяськон юртын быдэс элькунысьтымы Пичи Чеберайесты но Удмурт Батыръёсты адӟыны луоз.

«Али ужаськом сценарий бордын — ужрадысьтымы пиналъёс ваньзы ик лӧптэм мылкыдын мед бертозы, удмурт кылын вераськыны быгатэмзылы шумпотыса»,  — пусйиз Надежда Степанова.

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий