“Удмурт кылын тужгес кужмоез чеберлыко литература уж” вожвылъяськон азьланьтиське Удмуртиын.

Вожвылъяськонэ пыриськыны быгато Удмуртиын но солэн палэназ улӥсь удмурт кылын пӧртэм арлыдо гожъясьёс.

Конкурс сизьым удысъёсъя (номинациосъя) радъяське:

1. Тужгес умоез кузьмадёс, роман понна — 30 сюрс манет;

2. Тужгес умоез верос, новелла, чеберлыко очерк, эссе понна — 15 сюрс манет;

3. Тужгес умоез кылбур сузьет, поэма понна — 20 сюрс манет;

4. Тужгес умоез пьеса понна — 20 сюрс манет;

5. Пиналъёслы гожтэм тужгес умоез уж понна — 15 сюрс манет;

6. Чеберлыко литература ужез (ужъёсты) дунъясь яке литературатодосъя тужгес умоез гожтос понна — 15 сюрс манет;

7. Удмуртысь ӟуч кылэ берыктэм тужгес кужмоез уж (пӧртэм жанрен) — 20 сюрс манет.

Котькуд удысъя одӥг коньдонкузьым (премия) сётӥськоз. Нош кыӵе ке удысъя кӧня ке ужъёс огкадь дунъет басьтӥзы ке, премия соос куспын люкемын луоз. Жюри коньдонкузьымез одӥгысьтыз номинациысь мукетаз выжтыны но быгатэ, кудаз ке удысъя (номинация) вожвылъяськонэ ужъёс вуымтэ яке вуэмъёсыз пӧлын йӧн ужъёс ӧвӧл ке.

Вожвылъяськонэ удмурт кылын гожтэм произведениос гинэ кутӥсько, мукет кылъёсысь берыктэм ужъёс лыдэ басьтэмын уз луэ. Конкурсэ ыстэм чеберлыко ужлэн темаез но быдœалаез котькыŸе луыны быгато.

Дунъясьёс (жюри) нырысь ик авторъёслэсь ӝутэм ужпумъёсты чеберлыко, аспӧртэмлыко возьматыны быгатэмзэс; тунсыко сюжет кылдытыны тыршемзэс; жанрлэсь куронъёссэ лыдэ басьтэмзэс, сое узырмытэмзэс; чеберлыко литература кылын гожтыны быгатэмзэс чаклалозы.

Ужъёсты келяно «Кенеш» журналлэн редакцияз таӵе адресъя: Ижкар, Пастухов урам, 13-тӥ юрт яке электрон почтаяз Kenesh-udm@yandex.ru.

Вожвылъяськон туэ 15-тӥ тулыспалысен 10-тӥ шуркынмонозь кыстӥськоз. Йылпумъянъёс 2020-тӥ арын толшоре (январе) лэсьтэмын луозы.

Конкурслэн куронъёсыз быдэсак печатламын «Кенеш» журналлэн туэ ар понна 2-тӥ номераз, Печатья но калыке ивортодэт вӧлмытонъя агентстволэн apmcur.ru но «Кенеш» журналлэн Kenesh.org сайтъёсазы, журналлэн «Одноклассники», «ВКонтакте» соцвотэсъёсын бамъёсаз.

https://vk.com/public169229677

 

Контентмейкер, мемолог и журналист

Дом Дружбы народов
Добавить комментарий