Удмурт кылын онлайн-изложение гожтыны ӵекто Удмуртиын улӥсьёслы

Ужрад удмурт кылэз дышетыны мылкыдэз ӝутон вылысь радъяське. Пыриськисьёс анай кылынызы малпанъёссэс вераны быгатэмзэс эскерозы.

Изложениез гожтыны луоз чӧлсконпусъя потыса. Нырысь ик нимтулэз пусъёно, собере куараен гожтэм текстэз кылзыны луоз. Радъясьёс Николай Байтеряковлэсь гожтоссэ бырйизы.

“Нырысетӥ люкетэз луоз вступление кадь, отын текстэз лыдӟозы. Собере вить минут вис, сэре кыкетӥ ползэ кутске лыдӟыны сое ик”, – шуэ Вячеслав Карпушин, «Гожъяськиськом удмурт кылын» ужрадэз огез радъясь.

Гожтэм ужъёсты Кузебай Герд нимо йӧскалык гимназиысь дышетӥсьёс эскерозы. Йылпумъянъёсты 18-тӥ толсуре ужрадлэн сайтысьтыз яке «ВКонтакте» мерлыко вотэсысь огинысьтыз учкыны луоз. Изложениез тужгес умой гожтэм 50 адямилы кузьымъёс чакламын.

Ужрад Ижкарлэн администрациез, «Мегаполис» клубъёслэн центрзы, Кузебай Герд нимо йӧскалык гимназия юрттэмен ортчытӥське.

https://udmurt.media/udm/news/obshchestvo/71135/

Контентмейкер, мемолог и журналист

Дом Дружбы народов
Добавить комментарий