Удмурт кылын комиксъёсты лыдӟыны быгатозы матысь дыре шаерамы улӥсьёс

Туэ кылысь кылэ берыктонлы сӥзем конкурс сизьыметӥзэ радъяське. Вожвылъяськонэ Приволжск федерал округысь ваньмыз улосъёс пыриськизы.

Татарстанысь, Мордовиысь, Пермь шаерысь, Башкортостанысь но Удмуртиысь вуэм 180-лэсь уно текстъёсты 20 пала экспертъёс эскеризы. Выжыкылъёс, веросъёс, со сяна научно-популярной текстъёс, докладъёс – кылъёсты волятон сяна, ӵошатсконэ пыриськисъёс ватсаса тодон-валан но басьтӥзы.

Нырысьсэ конкурслы луыса вордӥськизы удмурт комиксъёс. Соосты берыктӥзы англи но немец кылъёсысь. Улосвыл вожвылъяськонлэн валтӥсь ужпумез – пӧртэм калыкъёслэсь чеберлыко произведениоссэс ӟуч кыл пыр быдэс кунэ вӧлмытон но кылысь кылэ берыктон ужез улӟытон луэ.

«Берло 20 аръёссэ кылысь кылэ берыктон уж асьме кунын быремын вал, шуыны луоз, – вера филологи тодосъя кандидат Андрей Клементьев. – Удмурт литература мукет кылъёсы туж ляб берыктӥськылӥз. Россиын берыктон уж тани 2-3 арзэ улӟе, шуыны луоз».

Нырысетӥ этапаз дипломъёс басьтӥзы 58 школаын дышетскисъёс но студентъёс. Али соос кыкетӥ этапез бордын ужало – ӟуч кылысь англи кылэ берыкто.

Контентмейкер, мемолог и журналист

Дом Дружбы народов
Добавить комментарий