Удмурт кылын видеолекциос кылдытонъя интернет-ӵектослы Удмуртиысь Йӧскалык политикая министерство дурбасьтӥз

“Ӵектос улсын вить видеоужъёс кылдытыны чакламын. Видеороликъёслэсь пуштроссэс узырмытыны чакламын пӧртэм амалъёсъя: инфографикаез уже кутыса, гожтэтэн, туспуктэмъёсын но мукет. Чаклам ужез вылӥ ӟечлыкен быдэстон понна проектэ кыскытэмын зэмос ӧнерчиос: операторъёс, монтажеръёс, дизайнеръёс”, – ивортэ «Куара» огазеяськон.

«Тубат» ӵектос – удмуртъёслэн кылзы, лулчеберетсы но сям-йылолъёссы сярысь удмурт кылын видеолекциосын сузьет. Лекциосты ас удысазы валтӥсь ӧнерчиос – этнографъёс, историкъёс, филологъёс но мукет тодосчиос – лыдӟо.

“Ӵектосэз калык пӧлын паськытгес вӧлмытон вылысь вань видеолекциосты ӟуч но англи кылэ берыктозы. Видеороликъёсын тодматскыны нимысьтыз луонлык кылдытэмын луоз историяя, шаертодонъя, удмурт литературая но мукет тодметъёсъя дышетӥсьёслы, ВУЗъёсысь преподавательёслы, школаосысь бадӟым классъёсын дышетскисьёслы, вылӥ но шоръёзо ӧнер сётонъя дышетсконниосысь студентъёслы но вань мылкыд карисьёслы, кин азьланяз улонзэ тодослыкен герӟаны малпа”, – ивортэ «Куара» огазеяськон.

Туннэ ӵектос рос-прос ужа ни, та дырлы аспӧртэм но тунсыко пуштросэн ньыль видеолекциос гожтэмын. Соосты «ВКонтакте», «Одноклассники», Facebook но Youtube мерлыко вотэсъёсын учкыны луэ.

https://udmurt.media/udm/news/obshchestvo/63797/

Контентмейкер, мемолог и журналист

Дом Дружбы народов
Добавить комментарий