«Удмурт Кенеш» ассоциацилы 25 ар тырмонэзлы сӥзем ужрад ортчиз

Оглом юбилей ужрадэ 400 пала куноос вуэмын. Ӧтем куноос пӧлын – улосвылысь но Удмуртилэн шоркарысьтыз кивалтӥсьёс.

Люкаськем калыклы тау карон кылъёссэс, сӥзёнъёссэс веразы Удмуртилэн тӧроез Александр Соловьёв, Кун Кенешлэн тӧроезлэн воштӥсез Софья Широбокова, йӧскалык политикая, мер кышкыттэмлыкъя, парламентлэсь ужзэ радъянъя ӧрилэн кивалтӥсез Энвиль Касимов, агропром огъетъя, музъем кусыпъёсъя, инкуазез утёнъя ӧрилэн кивалтӥсез Владимир Варламов, «Единая Россия» фракцилэн кивалтӥсез Алексей Прасолов, Россиысь Куд Думалэн депутатэз Алексей Загребин.

Огазеяськонлэн азьвыл тӧроосыз Николай Симанов, Николай Мусалимов, Валентин Тубылов но Игорь Семёнов басьтӥзы «Удмурт Кенешлэсь» гадьпуссъёссэ. Нош удмуртлыкез азинтонын устолыко тыршисьёс «Тау карон» гожтэтъёсын пусъемын.

Вераны кулэ, "Удмурт Кенеш" удмурт калыклэн валтӥсь но азьмынись огазеяськонэз. Со кылдытэмын вал удмуртъёслэсь шугъяськонъёссэс пӧртэм ӧръёсын сэрттон-пертчон, удмурт кылэз, сям-йылолъёсты утён но азинтон ужез нуон понна. Туннэ сиё-дано кенешонэ люкаськемъёс 25 ар ӵоже ужамзылы йылпумъянъёс лэсьтӥзы, азьланяз сэрттоно-пертчоно ужпумъёссы сярысь вераськизы.  

Дом Дружбы народов
Добавить комментарий