“Удмурт кенешлэн” интыез, кулэлыкез сярысь вераськизы Кун Кенешын

Огазеяськонлы 25 ар тырмон улсын парламентариосын но шаерысь пӧртэм калыкъёслэн мерлыко огинлыкъёссылэн кивалтӥсьёсынызы пумиськон ортчиз.

Совето Союз куашкам бере сыӵе югдур кылдӥз – тупаса улӥсь калыкъёс ог-огзылэсь палэнскыны одъязы. Удмуртиын та югдурез тупатонын валтӥсь инты ӵапак со вакытэ кылдытэм «Удмурт Кенеш» огазеяськон басьтиз.

«Удмурт кивалтӥсьёс-азьветлӥсьёс шаерын огсыр, калыкъёс куспын тупаса улонэз радъяны быгатизы, – шуиз Кун Кенешысь йӧскалык полтикая, мерлыко кышкыттэмлыкъя ялан ужась ӧрилэн тӧроез Энвиль Касимов, – соос секыт вакытэ валаса, небыт, удмурт сямен огазеязы калыкъёсты».

«Удмурт Кеншлэн» кичӧлтэмезъя ик Элькунын йӧскалык политикая Министерство ужаны кусткиз. Азьло но туала вакытэ «Удмурт Кенеш» Элькунын но быдэс финн-угор дуннеын валтӥсь, огазеясь но быгатыса тыршись огинлык луэ. 

Дом Дружбы народов
Добавить комментарий