Удмурт диктантлы текст гожтэмын

«Бадзым удмурт диктант» 2 амалэн ортчоз. Очноез луоз Удмурт кун университетлэн 2-тӥ корпусаз, кутскоз 11 часын. Котькуд аре сямен ик диктантэз “Мынам Удмуртие” радиолэн меӵак эфираз лыдӟозы. Солэн кутскон дырыз 15 часын. Туэ диктант сӥземын экологилы.

«Мынам вал пӧртэм малпанъёсы темаез пумысен, – вера биологи тодосъя доктор Виктор Туганаев. – Но вуи агрономие, малы ке шуоно экологияя, биологияя гожтон понна трос терминъёсты кутоно луоз Нош соосты тросэз гожтыны уз валалэ. Мон азьын ужпум вал – текст огшоры вераськон кылын мед луоз шуыса».

Вераны кулэ, радио пыр гожтэм ужъёсты кутозы арня ӵоже 17-тӥ оштолэзёзь. Келяны луоз почта пыр яке электрон адресэ. Йылпумъянъёс лэсьтозы 3-тӥ куартолэзе «Мынам Удмуртие» радиолэн тулкымъёсаз, озьы ик телерадикомпанилэн сайтэз пыр. Сертификатъёс туэ сётозы 70 но солэсь трос балл люкамъёслы.

Пусъём, миым ог 600 адями меӵак эфирын диктант гожтӥз. 100 балл люкасьёс ӧй вал, но трос адями 95-99 балл басьтыны быгатӥз.

Контентмейкер, мемолог и журналист

Дом Дружбы народов
Добавить комментарий