Удмурт «Гербер» шулдыръяськон йӧскалык премилэн финалаз

Приволжск но Федерал округъёсысь вуэм проектъёсты Ульяновскын эскеризы. 7 номинациосын вормисьёс пусйемын. Одӥгаз – «Калык йылолъёсты азинтонъя туризм удысысь устоез ужрад» люкетын удмуртъёслэн «Гербер» шулдыръяськонзы 3-тӥ луиз. Бырйён ужрад 14-тӥ 15-тӥ куарусёнэ ортчиз. Кызьы вераз Элькунысь Калыкъёслэн Эшъяськон юртысьтызы режиссёр Дмитрий Корепанов, экспертъёс туж трос юалляськизы – ку, кытын со ортче, марлы кулэ, кин понна лэсьтӥське. 
«Ми верамы, «Гербер» шулдыръяськон удмурт шаерысь сяна, мукет улосвылъесын улӥсьёс понна но радъяське. Отчы лыктэмъёслэн луонлыксы вань зэмос удмурт лулчеберетэн тодматскыны. 
Вашкала удмуртъёс инкуазьлы вӧсяськылизы. Куд-ог йылолъёсын со сямзы али но утиськемын. Соин ик, 10 ар талэсь азьло «Герберын» пуктэм адямиос ӝукез вӧсяло ке вал, берло аръёссэ ӧтиськом зэмос вӧсясьёсты. Озьы ик котькуд ар шулдыръяськонэ выльзэ пыртыны тыршиськом, – азьланьтэ Дмитрий Корепанов. Тани Сюмсиын ортчем удмурт праздник, кудзэ арысь аре Элькунысьтымы Йӧскалык политикая министерство но Калыкъёслэн Эшъяськон юртсы радъяло, нюлэслы, кылдысинлэн писпуосызлы сӥземын вал, малы ке шуоно Сюмси ёросын туж трос сиксы. Ёрослэсь 80 %-сэ со басьтэ». 
Финалын вылӥ дунъям ӵектосъёс куспын конкурс, нош соос пӧлын «Гербер» но, коньывуонэ Ярославльын ортчоз.
Дом Дружбы народов
Добавить комментарий