Удмурт визьбур «Шудком» клуб ужзэ азьланьтэ

Визь сынанъя шудонэ пӧртэм арлыдо но ӧнеро 9 командаос пыриськозы. Соослэн нимъёссы тодмо ини: "Удмурт дунне" команда, капитанзы – Зинаида Рябинина; Удмуртиысь историяя, кылъя но литературая институтысь тодосчиослэн «Кынкорт» командазы, капитанзы – Александр Егоров; ГТРК "Удмуртия"-ысь журналистъёслэн "Кыло-ымо" командазы, капитанзы – Анастасия Петрова; "Шундылэн" выль правлениезлэн "Дырыз дыръя" командаез, капитанзы –Максим Агафонов; Егит активистъёслэн "Кызьыайсо" командазы, капитаназы – Богдан Анфиногенов; Студентъёслэн-эшъёслэн "Ю-тыщ" командазы, капитанзы – Антон Лекомцев; Удмурт кылосбуръя, финно-угроведения но журналистикая факультетысь студентъёслэн "Рос-прос" командазы, капитанзы – Анна Шарыпова; Дэри ёросысь "Шунды" ёзэтлэн "Усьтыр-табыр" командаез, капитанзы – Наталья Казакова; "Валамон-паримон" команда, капитанэз – Юрий Мишкин.

Ужӵектослэн кивалтӥсез Ольга Тронина вера:

«Таиз шудонмы куинетӥез ини. Азьвылъёсыз сярысь трос ӟеч кылъёс кылӥмы. Туэ но со мыло-кыдо луыны кулэ. Шудон тунсыко амалъя ортче. Командаос сётэм юанлы минут ӵоже валэктонъёссэс гожтыса сётозы. Соослэсь пӧртэм удсъёсъя тодон-валанъёссэс эскерем сяна, лэчыт малпаськыны быгатэмзэс лыдэ басьтомы». 

Дом Дружбы народов
Добавить комментарий