«Удмурт-а мон?!»

Форумлэн мугез: удмурт егитъёслы ужӵектосъёс бордын ужаны визь-кенеш, юрттэт сётон; ужбергатӥсьёсын, азьветлӥсьёсын, кивалтӥсьёсын пумиськылыны площадкаос кылдытон, кивалтон удысын тодон-валан сётон; егитъёсты удмурт сям-йылолъёсты улонэ пычатонъя ужрадъёсы пыриськыны кыскон.

Форуме пыриськыны ӧтё вань улосвылъёсысь удмурт кылын вераськись егитъёсты. Арлыдзы 18-сен 30 аресозь. Ужез радъясьёс возьмало 200 мылкыд карисьёсты.

Ужрадэ пыриськон понна 2 куронъёсты быдэстоно:

— дышетон, лулчеберет, туризм, ивор сётонын кутӥськись технологиос, благоустройство удысъёсты азинтонъя проектлэсь ӵектоссэ дасяно;

— форумын ужан понна 19-тӥ шуркынмонозь куриськон гожтоно та ссылкае пырыса: https://goo.gl/forms/NbZ5AC9rybyaj2P22 .

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий