Удмурт анайёс но нылпиос понна семинар ортчоз

Семинар кутскоз 11.00 часын. Пиналъёс удмурт кылын лыдъяськыны дышетскозы, киужен вырозы, шудозы. 1, 5 ӝыны аресыен 4 аресозь но 5 аресысен нылпиос нимаз люкемын луозы.
 
Кыкетӥ арзэ ни Ижын ужа «Билингва» центр. Со юнматэмын Эшъяськон юрт бордын. Толэзьлы быдэ та центр люкалля анай-атайёсты но соослэсь нылпиоссэс. Ужрадэ вуыло психологъёс, дышетӥсьёс. Соос анай-атайёслэн юанъёссылы валэктон сётъяло, нылпиосынызы выро. Пиналъёс анай кыллэсь люконо ӧвӧл — 2 кылын вераськисьёс мукет кылъёсты капчиенгес дышето.

Дом Дружбы народов
Добавить комментарий