Удмуртия сярысь фильмлы сценарий гожтонъя конкурс ялозы

«Ми сценарийёсъя конкурс кутскиськомы — Удмуртилы, асьме историмылы, лулчеберетмылы, вузпӧрмылы сӥзем чеберлыко, шудон, документальной фильмъёслы сценарийёсъя», — вераз Алексей Загребин.

Солэн кылъёсызъя, вожвылъяськонэ пыриськыны быгатоз «котькуд адями, кинлэн малпанэз но сценарий гожтыны быгатонлыкез вань». Ужъёсты ӟуч но, удмурт но кылъёсын кутозы. Конкурсын вормисьёслы премиос сётозы.

Кызьы вераз Кун Думаысь депутат, Москваын ужакуз со Удмуртиын вордскем но шоркарысь вылӥ дышетсконниосты йылпумъям егитъёсын пумиськылӥз, соос элькун сярысь кино лэсьтыны малпанъёссэс ӵектӥзы.

«Учке, кыӵе дырпусъёс азьпалан — со Ижкарын но Воткаын пумитъяськон, вуоно арын солы 100 ар тырме. Со Мултан уж но. Соослэн пушказы драма», — пусйиз Алексей Загребин.

Со кык темаез гинэ вераз, но «сакгес учконо ке, ми асьме темаосын, асьме историен федерал ёзэ но потыны быгатӥськом, бадӟым искусство — та учырын асьме кино — пыр асьме улосвылмес умоен возьматон понна».

Алексей Загребинлэн верамезъя, конкурс нимысьтыз фондэн ортчытӥськоз. Матысь дыре солэн радлыкез шараямын луоз.

Со тодэ вайытӥз, али кафтанщикъёс сярысь телесериалэз дасян мынэ ни шуыса. «Мае мон адӟи, со гажан мылкыд кылдытэ», — пусйиз Алексей Загребин.

http://udmurt.media/udm/news/kultura/18873/

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий