Удмуртия дасяське «ЭТНОэксперт» шудонлы

«ЭТНОэксперт» шудонэ шаерысьтымы школаосысь бадӟым классъёсын дышетскисьёс пыриськозы. Шудонлэн куронъёсыз: одиг муниципал кылдытэтысь 3-лэсь трос командаос луыны кулэ ӧвӧл. Котькуд командаез 4 адямилэсь кылдытоно.

Нырысетӥез шудон 25-тӥ шуркынмонэ 13 часын Можгаысь «Октябрь» культурая юртын ортчоз. Отчы пыриськозы Алнаш, Грах, Можга, Кизнер, Вавож ёросъесысь но Можгакарысь командаос.

Кыкетӥез шудон радъяськоз 29-тӥ шуркынмонэ 14 часын Глазкарысь 11 номеро школаын Эгра, Кез, Дэбес, Юкаменск, Балезино, Красногорск, Глаз, Яр ёросъес но Глазкар куспын.

Куинетӥез – 8-тӥ толсуре 13 часын Сарапулысь «Электрон» культурая юртын. Лыктозы Сарапул, Кияса, Каракулино, Камбарка ёросъесысь но Сарапул карысь егитъёс.

Ньылетӥез – 13-тӥ толсуре 13 часын Ижкарысь Калыкъёслэн Эшъяськон юртазы люкаськозы Сьӧлта, Сюмси, Ува, Пичи Пурга, Завьял, Якшур-Бӧдья, Вотка, Шаркан ёросъесын, Воткинскын но Ижкарын улӥсьёс.

Финалэ пыриськозы интыосын ортчем шудонын 1-тӥ, 2-тӥ но 3-тӥ интыос басьтэм командаос.  

Дом Дружбы народов
Добавить комментарий