Удмуртиысь нылашез ӵош дышетскись эшсэ утемез понна Федераци Кенешын пусйизы

“Мария сузэреныз но ӵош дышетскись эшенызы ӵош пыласькыны мынӥзы. Нылъёс ярдуре кылизы, нош пияш вуэ зымиз, но мурдалазэ валатэк, чыртызэ шуккиз. Быдэ вуымтэ кема ву вылэ ӧз поты, куке вупульыос ӝутскыны кутскизы, нылъёс эшсы вые шуыса валазы”, – вераз Любовь Сюгаева.

Любовь Сюгаевлэн верамезъя, Мария сузэрез уяны уг быгаты, нош ачиз Маша, чик малпаськытэк, эшсэ утьыны вуэ тэтчиз. Нылаш мырдэм сое ярдуре поттӥз. Ӧжыт кыллем бераз, пияш ачиз дораз вуиз.

Луэм учыр сярысь Маша анай-атаезлы номыр ӧз вера. Со сярысь тодмо луиз шугадӟонэ шедем муртэ эмъяськонние нуэм бере гинэ. Пияшлэн киыз зубектыны кутскем но температураез ӝутскем.

Эшсэ кышкатэм утемез понна Мариялы берет, таукарон гожтэт, медаль но кузьым сётӥзы. Пусйыны кулэ, чиед гинэ нылаш семьяысь одӥг гинэ нылпизэс утьыны быгатӥз. Кылем арын солэн выныз выйиз.

Кызьы ивортэ Федераци Кенешлэн пресс-службаез, 1-тӥ шуркынмонэ сӥё-дано ужрадын Россилэн 68 улосвылъёсысьтыз 250 пиналъёсты пусйизы.

ВАТСАН

«Дети-герои» огъяросси ужрад улсын 16 аресозь пиналъёсты но быдэ вуымтэсоты пусъё, кин секыт учырын ассэ жалятэк мукет адямиослы юрттӥз но улонзэс утиз.

Контентмейкер, мемолог и журналист

Дом Дружбы народов
Добавить комментарий