Удмуртиысь мусульманъёс Рамадан священной толэзез пумитаны дасясько

Визян азьын уе, 26-тӥ куартолэзе, Ижкарысь Соборной мечетьын но элькунысь мечетьёсын нырысетӥез вӧсь (таравих-намаз) ортчытозы.

«26-тӥ куартолэзе вань мусульманъёсты таравих-намазэ возьмаськомы. Рамадан толэзь дыръя шоркарысьтымы куинь мечетьёсын (Соборной, Шор, «Иман нуры») ифтаръёс ортчозы — нунал ӵоже кӧс возем бере ӵошен сиськон. Ифтаръёс дунтэк ортчытӥсько. Мечете люкаськемъёс борды котькуд мылкыд карись итӥськыны но сиськыны быгатоз», — вераз Соборной мечетьысь имам Исмагил Шайхутдинов.

Таравих-намаз одно быдэстоно уй вӧсяськон (Иша) бере ортчытӥське но ӟардонозь кыстӥське. Та вӧсь быдэс Рамадан толэзь ӵоже котькуд нунал быдэстӥське.

Мусульманъёс понна священной толэзь Рамадан 24-тӥ инвожоозь кыстӥськоз, нош 25-тӥ куартолэзе ӵукна Удмуртиысь ваньмаз мечетьёсын Ураза-байрам праздниклы сӥзем ужрадъёс ортчозы.

http://udmurt.media/udm/news/obshchestvo/19956/

 

Контентмейкер, мемолог и журналист

Дом Дружбы народов
Добавить комментарий