Удмуртиын эктонъя «Майский ландыш» нимо Росси нылпи фестиваль  ортчоз

Нырысетӥез фестиваль-конкурс ортчиз вал 3 ар талэсь азьвыл, Пётр Чайковскийлэн вордскемез дырысен 175 ар тырмонэз пусъён радын. Фестивалез радъясьёс верамъя, ландыш дано крезьгурчилэн яратоно сяськаез вылэм. Со муген ик фестивальлы ним быръемын.

Туэез ужрад Пётр Ильич Чайковскийлы сӥзем искусствоосъя 60-тӥез фестиваль радын ортчоз. Географиезъя, кылем арын сярысь, сюбеггес луоз — вожвылъяськонэ пыриськозы Удмуртиысь, Киров улосысь но Пермь шаерысь коллективъёс.

www.myudm.ru