Удмуртиын туризм азинске

Шарканын – удмурт Тол Бабай, Грак ёросын – Обыда, Эгра ёросын – Лопшо Педунь. Та проектъёс сокем азинскозы шуыса нокин ӧз оскы вал. Нош туннэ шаерамы Россилэн пӧртэм сэрегъёсысьтыз куноос вуыло.

Дэбесъёс оскыто, соослэн ёроссы перепечлэн кылдэм интыез. Соин ик, "Зарни перепеч" фестиваль радъяло. Глазов ёросын туристъёсты мукет амалэн кыскыны малпазы. Коӵышгуртын "Куаралэн храмез" проект кылдӥз. Татчы вуэмъёсты адямилэн вордскем дырысен улонысь кошкытозяз кылӥськись куараосын тодмато – ваньмыз удмурт сям-йылолъёс пыр. 

Туннэ унозэ проектъёсты улонэ пыӵатыны Элькун бюджетысь коньдон висъяське.

«Шумпотымон, куд-ог проектъёслы Федерациысь коньдон кыскыны луиз – шуэ Удмуртиысь культурая но туризмъя министр Владимир Соловьёв. – Кылсярысь, со улсын "Камский берег" кластеръя ужъёс шодскымон азинскизы. Емышъёсыз син азьын. Кылем арын Сарапулэ экскурсиен лыктэмъёсын 14 параход дугдылиз ке вал, туэ – 56. Со проектъя нырысетӥ вамыш гинэ лэсьтиськомы ай, нош туристъёс дугдылыны кутскизы та каре».

Туэ кылдытэмын луозы нимысьтыз портал, сайт яке пӧртэм сайтъёсын укноос. Со луонлык сётоз шаерысьтымы турист объектъёс, ужчектосъёс сярысь ивортонъёсты быдэс дуннее вӧлмытыны.

Дом Дружбы народов
Добавить комментарий