Удмуртиын нырысьсэ Россиысь ичи лыдъем выжы калыкъёслэн форумзы ортчиз.

Форумлэн 2-тӥ нуналэз азьланьтӥськиз Юкаменск ёросысь Шамардан гуртын улӥсь бесерманъёс дорын.

Россиын та дырлы 47 бырон калэ вуэм выжы калыкъёс пусъемын. Котькудӥзлэн лыдыз 50 сюрслэсь ичи. Та калыкъёсты утён вылысь Россиын федерал ужкагазъёс кутӥсько. Но нимысьтыз программаослэсь ужамзэс, нош со капчиятонъёс, музъем вылын ужасьёслы юрттэт, пыр-поч ас вылазы шӧдо Уйпалан, Сибирьын но Дальний Востокын улӥсь 40 выжы калыкъёс. Мукет улосвылъёсысь 7 пичи калык палэнэ кыле. Соос пӧлы шедё бесерманъес но.

«Северын улӥсь ичи лыдъем калыкъёс пӧлы пыртэмын бесерманъёс но. Озьыен, соос вылэ но ужаны кулэ нимысьтыз кылдытэм федерал катъёс – шуэ Росси азьмуртлэн йӧскалык кусыпъёсъя кенешезлэн ёзчиез Гульвайра Куценко. – Югдурез вырӟытыны кулэ асьсэос калыкъёс. Со понна вань шуг-секытъёссы но куронъёссы сярысь шара верано».

Ӵапак бесерманъёслэсь дӥсьтонзэс будэтон понна Удмуртиын таӵе форум ортчиз. «Ми туж оскиськом та форум бере бесермян калык пӧлын азьветлӥсьёс кылдозы шуыса, – вера Элькунысь Эшъяськон юртысь кивалтӥсьлэн воштӥсез Татьяна Фёдорова. – Одно ик кылдытыны кулэ бесерман егитъёслэсь мер огазеяськонзэс».

Дом Дружбы народов
Добавить комментарий