Удмуртиын выжы калыкъёс тупаса уло

Солэн кылъёсызъя, пӧртэм калыкъёслэн кусыпъёссыя югдурлы 2016-тӥ арын умой дунъет сётӥзы 67,3 процентэз Удмуртиын улӥсьёс (2015-тӥ арын — 66,8 процент), мукет выжыысь адямиосын кусыпъёссы умоесь шуыса веразы 86 процентэз (2015-тӥ арын — 84,8 процент).

«Этнографияя тодон-валанъёсты, пӧртэм выжыысь калыкъёсты валамез но гажамез будэтыны юртто паськыт но яркыт ужрадъёс, соослэн лыдзы арысь аре тросгес луэ», — пусйиз министр.

Солэн верамезъя, 2017-тӥ арлы чакламын ни «Пельняньлэн дунневыл нуналэз» фестиваль, «Гербер» йӧскалык элькун шулдыръяськон, кудӥз Москваын но ортчоз. Нош ик ортчытэмын луоз «Этнографияя бадӟым диктант» Росси ужрад. Кылем арын солы кутскон сётӥз Удмуртия, отчы быдэс Россиысь 90 сюрс пала адями пыриськиз.

2017-тӥ арын Удмуртиын ортчытоно ужрадъёс пӧлын — Россиысь антропологъёслэн но этнологъёслэн 12-тӥ конгрессы. Солэн ужаз 500-лэсь трос адями пыриськоз.

«Ваньмыз со Удмуртиын но Россиын пӧртэм калыкъёс кусыпын тупаса улонэз утёнлы оскон сётэ», — вераз Буранова. 

Дом Дружбы народов
Добавить комментарий