Удмуртиын бигер чеберайёсты быръёзы

Бигер чеберайёсты быръёнъя конкурс 7-тӥзэ ортчоз.

Быръён туре пырискыны возьмало 16-сен 24 аресозь бигер кылэз тодӥсь нылъёсты. Анкетаез  электрон амалэн 20-тӥ шуркынмонозь гожтоно.

«26-тӥ шуркынмонэ Калыкъёслэн Эшъяськон юртазы кастинг ортчоз, – шуэ «Татар-Кызы-2018» конкурслэн бигер кылъя дышетӥсез Альбина Шайхутдинова. – 30 пала нылъёс конкурсэ пыриськыны куриськонъёс гожтӥзы ини. Вазьмаськом эшшо мылкыд карисьёсты».

Кастинг ортчиз ке, толсурысен ини конкурсэ пыриськон вылысь рос-прос дасяськон кутскоз. Нылъёсын ужалозы бигер кылъя дышетӥсь, режиссёр-постановщик но мукет ӧнерчиос.

«Мастер-классъёс мынозы ымнырез шонер буянъя, туспуктон азьын астэ чебер возёнъя, – азьланьтэ Альбина Шайхутдинова. – Озьы ик нылъёс ветлозы киужъя, анай кылъя, историяя урокъёсы. Ӵош быдэстоно эктонзэс дышетозы, дефилеын ветлыны дышетскозы ».

Конкурслэн йылпумъян люкетэз южтолэзе ортчоз. Финал-шоу Удмуртиын улӥсь бигеръёслэн историенызы герӟаськемын луоз.  Отын нылъёс  бигер калык эктон быдэстозы, кыл тодэмзэс возьматозы, калык дӥсьлэсь куд-ог люкетъёссэ вурозы но пужъятозы. Со сяна егит нылъёсты визьсынанъя но пӧраськонъя конкурсъёс витё.

 

Контентмейкер, мемолог и журналист

Дом Дружбы народов
Добавить комментарий