Уваын арлы быдэ удмурт кылын тунсыкъяськись пиналъёслэн лыдзы будэ

Кык сюрс пала пиналъёс Уваысь нылпиослэн творчествоя юртазы ватсаса тодон-валан басьто пӧртэм ӧръёсъя: эктон, крезьгур, спорт, киужъёсъя кружокъёсын. Табере мылкыд карисьёс удмурт кылэз но дышето. Ужа соосын дышетӥсь Галина Бердникова.

Галина Бердникова лыктӥз Ува каргуртысь нылпи творчествоя юртэ англи кылэз нылпиослы сётыны, нош 4 ар талэсь азьло малпаз удмурт кылъя но кружок усьтыны.

«Уваын туж шер кылӥське удмурт кыл. Соин ик мылкыды кылдӥз пиналъёсты анай кылмылы дышетыны. Тодӥсько, татын трос вань вераськись анай-атайёс  но удмурт кылзэс соос туж шер поттыло. Соин ик 4 ар талэсь азьло эскери, мар пӧрмоз шуыса. Пӧрмиз. Нылпиос мон доры ветлыны кутскизы».

9 кузя нылпиос лыкто дышетӥсьсы доры удмурт сямен вераськыны. Кинэ ке анай-атаез вае, кин ке ачиз мылкыдызъя лыктэ.

Пиналъёслэсь удмурт кылъя вераськыны быгатонлыкъёссэс уже куто татысь мультфильм кылдытонъя “Радуга” студиын. Озьы чош ужаса, пиналъёс кылмылэсь пӧртэм удысъёсын кулэ луэмзэ валаса будо.

Контентмейкер, мемолог и журналист

Дом Дружбы народов
Добавить комментарий