Туэ Элькун Гербер калыкез паймытоз

Гербер Можга ёросын ортчоз. Азьло аръёсы сярысь, тросгес калык вуоз шуыса чаклало. Шулдыръяськонлы быръем инты Можга карлы матын луэ, сюрес но ӟеч.

Герберлэн тодметэз вал луоз.

«Шулдыръяськон валэн герӟаськемын бере, валъёсын трос площадкаос ужалозы, – шуэ Калыкъёслэн Эшъяськон юртысьтызы режиссёр Дмитрий Корепанов. – Лыктэмъёс учкыны быгатозы валъёсын адӟытонэз, со сяна праздникез кутскон театр возьматонын но валъёс пыртэмын луозы. Али кенешонъёс мыно на программае вал вылын ӵошатсконъёсты пыртон сярысь. Луозы-а уз-а соос, трос юанъёс на».

www.myudm.ru/

 

Контентмейкер, мемолог и журналист

Дом Дружбы народов
Добавить комментарий