Туэ Глаз карысь огаз школаын удмурт кылэз дышетыны кутскозы

Глазовысь17-тӥ школа выль дышесткон арзэ удмуртлыкен тодматскон бордысен кутскиз: Лӧпшо Педунен вераськон, шудонъёс но тунсыко адямиосын пумиськонъёс, киужен вырон, пӧртэм адӟытонъёсы вуылон — ваньмыз со ар ӵоже луоз.

Удмурт кылэз пиналъёс урокъёсын уз дышетэ на. Со борды бӧрысьгес, ог ӝыны ар ортчыса, басьтӥськыны чакламын. Нырысь-валысь эскерозы мылкыдъёссэс, дась луэмзэс. Удмурт кылэз тодӥсьтэм дышетӥсьёс но палэнэ уз кыле, — шуэ «Удмурт Кенеш» огазеяськонлэн Глазов ёросысь ёзэтэзлэн кивалтӥсез Инесса Рябова:

«Куарусёнысен ик кутскиськомы удмурт кылъя курсъёс нуыны. Ортчем арын милям 4 час эшъяськон юртын курсъёс мынӥзы, , 4 час — ёрос администарциын. Сыӵе ужан радлыкез ми пыртиськомы татчы но. Дышетӥсьёсты ваньзэсты дышетозы удмурт кылын вераськыны».

Удмурт кылъя дышетӥсьёсты, курсъёсты нуисьёсын шугъяськонъёс ӧвӧл — ӧнерчиосты Глазовысь ик пединститутын дасяло. Кружокъёсты нош ёросысь «удмурт кенешчиос» радъялозы.

http://www.myudm.ru/

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий