Туннэ Ижкарын Удмурт кыллэн нуналэзлы сӥзем ужрадъёс кутскизы

Ижкарысь гурт удысъя кун академиын удмурт кылъя урокез «Шунды» огазеяськонлэн ёзчиосыз нуизы. Таӵе ик акция Ижкарысь Калыкъёслэн эшъяськон юртазы 67 номеро школаысь 6 «А» классын дышетскисьёс понна ортчоз.

Озьы ик туннэ «Кенеш» журнал котырес ӝӧк радъяз. Люкаськемъёс «Туала удмурт литература: шедьтонъёс но ыштонъёс» тема улсын кенешизы-вераськизы.

“Улон воштиське литература вылын со шодиськытэк уг кыльы,  соин паськыт учкыны малпам та югдурез”, – вера “Кенеш” журналлэн валтись редакторез Ольга Бородина.

Туала вакыт понна шумпотэ котырес ӝӧк сьӧрын кенешонлэн валтӥсь докладчикез – тодосчи Виктор Шибанов. Та дыре пӧртэм жанръёсын пӧртэм утчанъёс мыно, – шуэ со.

“Бадӟым романъёс али малы ке но кулэ ӧвӧл ни, озьы ик бадӟым поэмаос. Соослэсь кужымзэс вошто лирической сузьетъёс яке повестьёс. Яркыт азинске мемуарной тодэ ваёнъёс тема, яркыт мынэ фэнтези. Али шумпотто егитъёс. Азьло аръёсы егитъёс тросгес ужало вал кылбуръёс бордын но вань ини чылкак проза бордын ужасьёс. Тунсыкоесь ужъёс мыно драматургия удысын. Выль нимъёсты али котькытысь адӟиськом – Антонов, Дарали Лели. Тазьы оглом учконо ке, мон ӵуказе нунал понна уг кышкаськы”, – вера Виктор Шибанов.

Туннэ ӝытазе 19 часын «КУАРА» огин удмурт егитъёс понна ужрад радъя. «Сальсабарын» Удмурт стэндап ӝыт ортчоз.

 

Контентмейкер, мемолог и журналист

Дом Дружбы народов
Добавить комментарий