Толшоре Кузебай Герд вордскем дырысен 120 ар тырме

Юбилейлы луыса паськытгес ортчозы Герд лыдӟонъес. Нош тужгес но пусйымонэз уж — со лэсьтӥськон. Та нуналъёсы Кузебай Гердлэсь музей-юртсэ паськытато.

Вавож ёросысь Кузебай Гердлэн музей-юртаз лыктыны мылкыд карисьёслы ӧсъёссы котьку усьтэмын. Вашкалаен тунсыкъяськисьёс паймо турлы вуж тӥрлык-арбериослы.

Нош уката но паймо но синвуаськыса кылзо дано удмурт югдытӥсь Кузебай Герд сярысь веранъёсты. Музейлэн юртэз Гурезь-Пудгае 1966-тӥ арын Покчи Вукоысь, Гердлэн вордиськем интыысьтыз, вуттэмын. Юртысь та висъетын Кузьма Чайников анаеныз но Андрей выныныз улӥллям.

Али татын лэсьтиськон мынэ. Музейын ужасьёс гуртлэн кивалтӥсьёссылы люкытгес луиз шуыса вазиськизы . Соослэсь куронзэс санэ басьтӥзы.

«Милям ӧй вал пырись адямилы кылиськон интымы но, тыриськон интымы но, — вера музейын ужась Елизавета Матвеева. — Ваньзэ сендрае люкано луиськом. Собере ужан комнатамы гинэ но ӧвол. Татчыозь пукиськом ини школалы сӥзем адӟытон сэрегамы».

http://www.myudm.ru/

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий