Тодосчиослэн юртазы пӧртмаськозы

Адямиез Инмар кылдытэм кык пӧртэм люкетъёсты огазеяса. Огласянь, со ассэ туж йӧно возе, пичи но йӧспӧртэм уг выры, мукет ласянь, со акыльтэ ассэ мыжыке кырмыса кадь возьыны, артист выллем луэмез потэ, соин валче вашкалаос малпаллям маскаръяськон сэбедъёс. Соослы Кузёбай Герд «Удмурт театр» ним сётэ.

Маскаръяськыса шулдыръяськонъёссы удмуртъёслэн уно: араз ньыль пол пӧртмаськон (толалтэ, тулыс, гужем, сӥзьыл), нуны сюан, кышно басьтон сюан, мыддорин сюанын маскаръяськон, шайтан уллян, нумыр сюан ортчытон… Котькудаз таӵе маскаръяськонын адямиос пушкысьтызы ватӥськем артистсэс кыре потто но туж зол куатлано. 

Соку лулсюлэмзы лӧптэ, шумпотэ, узырме. Тазьы вырисьёс кельшо учкисьёслы. Соос ог-огзылэсь азыса уката но маскаръясько но лулсюлэменызы ог-огзылы матэгес луо, куспазы адскисьтэм нюжаослэсь герӟетъёс кылдо котькудӥзлэсь лулкужымзэ будэто. 

Ижкаре пӧртмаськонэ ӧтемын куноос Гожня гуртысь, Выль Казмасысь, Асангуртысь, Улын Юриысь. Соос ижкаръёслы возьматозы маскаръяськыны быгатэмзэс.  

Дом Дружбы народов
Добавить комментарий