«Татар кызы-2019» вожвылъяськонэ пыриськисьёсты бырйизы Ижкарын

«Татар кызы-2019» этноконкурс бигер калыклэсь лулчеберетсэ, сям-йылолъёссэ утён вылысь ортчытӥське. Отчы пыриськисьёс пӧртэм ӧръёсъя вожвылъясько: сиён-юон пӧранъя, быгатонлыкъёсты возьматонъя, визьсынанъя.

Кастинге шаерысьтымы каръёсысь но гуртъёсысь егит нылъёс пыриськизы. Соос пӧлын вал Калыкъёслэн Эшъяськон юртысьтызы йӧскалык кусыпъёсъя ёзэтысь методист Дилия Харисова.

Кастинглэн нырысетӥ этапаз нылъёс асьсэ сярысь веразы, быгатонлыкъёссэс возьматӥзы. Кыкетӥяз – бигер костюмъёсын дефилее потазы. Куинетӥяз – бигер эктонлэсь куд-ог движениоссэ дышетӥзы, озьы жюрилэн ёзчиосызлы эктыны быгатэмзэс возьматӥзы.

Тодады вайытом, кемалась ик ӧвӧл Казаньын «Татар кызы-2018» росси вожвылъяськонлэн финалэз ортчиз.  Отын Удмуртиысь Диляра Гильмутдинова вормись луиз.

Контентмейкер, мемолог и журналист

Дом Дружбы народов
Добавить комментарий