Татарстанын удмурт лулчеберетлы сӥзем нуналъёс ортчизы

2016-тӥ арын куинь толэзь куспын егитъёс вуылӥз ини Мари Эл Элькунысь Карлыган черкогуртэ, Татарстан Элькунысь Кукмор ёросысь Ошторма Юмъя черкогуртэ. Нош 26-27–тӥ южтолэзе Татарстан Элькунысь Бавлы ёросысь Покровский Урустамакысь егтъёсын пумиськизы.

Урустамак но Николашкино гуртъёсысь дышетскисьёс быдэс нуналлы выйизы туала удмурт лулчеберетэ. Тодматскизы «Шунды» мерлыко огазеяськонлэн ужрадъёсыныз, дизайнъя, журналистикая, сцена вылын шудонъя, калык эктонъёсъя мастер классъёсы пыриськизы. Нош ӝыт гуртысь калык люкаськиз егитъёсын дасям концертэз учкыны, туала удмурт кырӟанъёсъя эктыны-шулдыръяськыны.

«Шундылэн» кивалтӥсезлэн Ольга Трониналэн верамезъя, котькуд улосын удмурт кылэз, лулчеберетэз утъёнъя но азинтонъя ужъёс нуисько. Секытгес ужпум Покровский Урустамак гуртын. Татысь егитъёс вунэтыны кутскиллям ини удмурт кылзэс. Соин ик «Шундыослэн» валтӥсь ужпумзы вал дышетскисьёсты удмурт кылэн но лулчебетэн тунсыкъяськытон.

Таин ӵектос уг йылпумъяськы шуыса оскыто «Шундыос». Удмурт егитъёслэн туала лулчеберетэнызы тодматозы Удмурт Элькунылэн ёросъёсысьтыз но пиналъёсты. 9-тӥ оштолэзе «Лаборатория «Шунды» ужалоз Пичи Пурга ёросысь Норья черкогуртын.
Дом Дружбы народов
Добавить комментарий