«Тамга» удмурт видеошкола ужзэ йылпумъяз Удмуртиын

Курсъёс толэзь ӵоже кыстӥськизы. Нырысь кӧня ке лекциос мынӥзы, собере ини практика борды кутскизы. Нош видеоклипез лэсьтыны нимысьтыз Пичи Пурга ёросысь Курег гуртысь «Курег азбар» коммерции луисьтэм огазеяськонэ потазы. «Куара» огинлэн тӧроез, видеомонтаж ӧрен кивалтӥсь Влад Степановлэн верамезъя, курсъёсы пыриськисьёс уж борды туж мыло-кыдо, вань кужымзэс сётыса кутскизы, тыршизы.

«Быдэс нунал снимать карыны, эшшо ик нырысьсэ, со капчи ӧвӧл. Но ваньзы чидазы, жадемын вал ини ке но, быгатӥзы. Ваньзэ, вазь ӵукна лыктыса, 15 час ӵоже лэсьтыны пӧрмытӥм», – вера Влад Степанов.

Ӵектос улсын лэсьтэм видеоклипен 13-тӥ куарусёнэ тодматскыны луоз.

Видеошколалэн ужез куинь ӧръя радъяськиз: сценарий гожтӥсьёс, операторъёс но монтаж бордын тыршисьёс. 28 вазиськисьёс пӧлысь котькуд ӧре быдэн ньыль адямиез бырйизы. Сценарий гожъясьёсын удмурт кылбурчи, филолог, журналист Анастасия Шумилова ужаз. Операторъёсты моушн-дизайнер но видео лэсьтон бордын тыршись Пётр Иванов дышетӥз, нош монтажёръёсты – «Куара» огинлэн кивалтӥсез Влад Степанов.

«Тамга» видеошкола удмурт видеоконтент бордын ужасьёсты дасян понна кылдытэмын вал.

Тодэ вайытом, «Куара» огинлэн «Тамга» ӵектосэз Удмуртиысь йӧскалык политикая министерстволэсь субсидизэ басьтэмлы луыса улонэ пыӵаз.

https://udmurt.media/udm/news/obshchestvo/64249/ материалъя

 

Контентмейкер, мемолог и журналист

Дом Дружбы народов
Добавить комментарий