Табань-клуб»: утёмы удмурт семья йылолъёсты!

Ижкарысь сяна, куное вуизы Кез, Кияса, Дэри, Пичи Пурга, Эгра ёросысь куноос. Кенешонзэс нылкышноос сӥзизы вашкала удмурт сямъёслы но этнотуризмлы.

«Таяз арын «Табань-клубамы» ӵемгес ӧтчаны кенешим гуртоосты» – вера Нылкышно кенешлэн кивалтӥсез Надежда Степанова. – Тросэз гурт нылкышноос утьыны сюлмасько вашкала сям-йылолъёсмес, нош куд-огез со семья йылолъёсты туж быгатыса азинто асьсэ ужзы пыр».

Ӝыт куспын Надежда Степанова нимысьтыз тодматӥз Кез ёросысь "Живица" этнокомплекслэн кивалтӥсеныз, Ашальчи Оки премилэн лауреатэныз Екатерина Лекомцеваен, Карамас-Пельга удмурт лулчебертъя центрлэн кивалтӥсеныз Елена Белослудцеваен, Пичи Пурга ёросысь "Ибырвесь" нылкышно клублэн кивалтӥсеныз Зинаида Елизароваен. Вашкала удмурт сям-йылолъёсты возьматӥз «Гожна кенакъёс» ансамбль, Подгорное гуртысь «Купанча» ансамбль но мукетъёсыз.

Дом Дружбы народов
Добавить комментарий