Сыктывкарын Россиысь финн-угор калыкъёслэн ӧтчамзы ортчоз

Удмуртиысь делегацие пыре «Удмурт нылкышно кенеш» огазеяськонлэн тӧроез Надежда Степанова.

«Котьку сямен конгрессын ужалоз нимысьтыз кыллы но дышетонлы сӥзем секция, – вера Надежда Степанова. – Мынам пыриськеме потэ солэн ужаз. Тодматскеме потэ дышетон удысын выль ужан амалъёсын, сое ми ужамы мед кутыны быгатом шуыса».

Удмурт нылкышно кенеш выллем нылкышно движениос котькуд финн-угор улосъёсын вань. Конгресс – усто площадка одӥг ужез нуисьёсын пумиськыны, кенешыны.

«Конгрессын пумиськеме потэ соослэн кивалтӥсьёсынызы, – азьтланьтэ Надежда. – Мынам кемалась малпанэ – сетевой фин-угор ӵектосмы мед азинскоз. Нимзэ но малпай ни – «Сям-йылолъёсты утисьёс». Ӵапак нылкышноос сям-йылолъёсты утисьёс луо. Конгрессын мон верало семьяен ужан амалъёсмы сярысь: анайёсын, нылпи садъёсын, муниципал кылдытэтъёсын. Огъя, кызьы валче кариськыса азьланьтӥськом удмуртлыкмес».

http://www.myudm.ru/

 

 

Контентмейкер, мемолог и журналист

Дом Дружбы народов
Добавить комментарий