«Семыкын» шулдыръяськизы поръёс

«Семык» – гужемлэсь вуэмзэ возьматӥсь праздник. Удмуртиысь сяна, Иж-Бобьяе артысь улосвылъёсысь но поръёс вуизы. Шулдыръяськонын кырӟан-веранъёс, вожвылъяськонъёс – ваньмыз асьсэ кылын ортчизы.

Грак ёросэз басьтоно ке, татын 3 гуртъёс чылкак пор гуртъёс луо. Анай кылзылы отын улӥсьёс, Марий Эллэсь палэнын улыса но, бадӟым саклык висъяло, нырысь ик сое пиналъёссылы пыӵатыны тыршо.

«Семыкез» басьтоно ке, татын но вань нылпиослы площадка, – вера Ижкарысь пор огазеяськонлэн кивалтӥсез Николай Ямаков. – Отын шудонъёс пор кылын ортчо. Нош быдэсак кылъя югдурез басьтоно ке,  милям пиналъёсмы школаосын дышето анай кылзэз. Иж-Бобья, Мари-Возжай гуртъёсын но покчи классъёсысен ик предмет чотын нуо пор кылэз. Собере пиналъёсмы трос пыриськыло Йошкар-Олаын ортчылӥсь конкурсъёсы. Отысь одно ик данъетъёсын, кузьымъёсын берто».

«Семыке» лыктэм котькуд адями вожвылъяськонэ пыриськыны быгатӥз: батыръёс – кужымзэс мертазы, кибашлыос – тунсыко арбериос лэсьтӥзы, эктӥсьёс – тыпыртӥзы, пӧраськисьёс – пор сиён дасязы.

http://www.myudm.ru/

Контентмейкер, мемолог и журналист

Дом Дружбы народов
Добавить комментарий