Секыт югдуре шедем семьяысь пиналъёс шутэтско «Тулкым» лагерьын.

Егитъёслэн «Шунды» огазеяськонзы кичӧлтэмъя кылдытэм «Тулкым» лагерь смена туэ витетӥзэ ортче ни. Отчы секыт улон югдуре шедем нылъёс но пиос пырисько- ивортэ иворъёсъя «Удмуртия» агентство

10 нунал ӵоже пиналъёс, шутэтскем но шулдыръяськем сяна, куинь ӧръёсъя тодон-валанъёс басьтыны быгатозы — театр, фольклор но видеоискусство. Театр отрядэн ужа элькунысь Калыкъёслэн эшъяськон юртысьтызы пуктӥсь режиссёр Дмитрий Корепанов. «Тулкым» лагере дышетӥсь луыса лыктӥзы ни «Шундыкар» пыр потэм егитъёс — фольклорен тунсыкъяськисьёслы тодонлык сётэ Кристина Сорокина, видеоискусствоен тодматэ Владимир Вахрушев.

Смена пумын пиналъёс возьматозы, марлы соос дышизы та дас нуналъёс ӵоже.

«Театр отряд спектакль пуктоз, али пьесаез лыдӟон мынэ ни. Фольклор отряд пуктэ куазен герӟаськем возьматон — эктонъёс, кырӟанъёс. Видеоискусство отрядын чеберлыко фильм лэсьтозы», — вераз сменалэн кивалтӥсез Лариса Ускова.

http://udmurt.media/udm/news/obrazovanie-i-nauka/23168/

Дом Дружбы народов
Добавить комментарий