Сарапул Россиысь устоосыз 10 моногородъёс пӧлы пыриз

«Сарапуллэн Россиысь дас устоосыз моногородъёс пӧлы шедемез умой, но аванс луэ шуыса лыдъясько. Та ӧрын милемлы вань кытчы кыстӥськыны, кызьы мон верай ни сессия дыръя, вань кинэн вожвылъяськыны. Мон соглаш ваньмыныз, мар веразы ужрадын ужъюлтошъёс. Со кадръёсын ужан но, рабочей ӧнеръёслэсь данзэс будэтон но, тӧрлык но ужбергатон куспын зэмлыко ваче вераськонэз радъян но. Мынам малпамея, моногородъёслэсь интывылъёссэс умой азинтыны луонлыкъёс вань Глазкарын но, Сарапулын но, Воткаын но», — пусйиз элькун тӧролэсь ужзэ огдырлы быдэсъясь Александр Бречалов, со сессие Удмуртиысь эксперт сямен пыриськиз.

Тодэ вайытом, 2016-тӥ арын 19-тӥ куарусёнэ Дмитрий Медведев моногородъёсты котыр ласянь азинтонъя валтӥсь выль программалы кичӧлтон сётӥз. Солэн емышъёсыз 2018-тӥ арлы луыны кулэ ни. Росси кивалтэт лыдметэ Удмуртиысь куинь каръёсты пыртӥз — Сарапулэз, Воткаез но Глазкарез. Кылем ар пумын со каръёслэн кивалтӥсьёссы моногородъёсты азинтонъя дышетонъёсы ветлӥзы. Али муниципалитетъёс «5 шагов благоустройства повседневности» программаос кылдытӥзы но инфраструктураез кылдытон понна валче вылысь коньдон басьтон вылысь элькун тӧрлыкъёсын ӵош Моногородъёсты азинтонъя фондэ куриськонъёс дасяло. Сарапул но Вотка сое 2017-тӥ арын 3-тӥ кварталэ келяны малпало, Глазкар — 2017-тӥ арын 4-тӥ кварталэ.

http://udmurt.media/udm/news/ekonomika-i-finansy/20198/

 

Контентмейкер, мемолог и журналист

Дом Дружбы народов
Добавить комментарий