«Самсонов лыдӟонъёс» кутскизы

Школаосын но гурт лыдӟиськонниосын куарусён толэзь ӵоже тодазы ваёзы Семён Александровичлэсь улон сюрессэ:  тодмо произведениоссэ шара лыдӟозы, пуштроссы сярысь вераськозы.

2-тӥ арзэ ини «Самсонов лыдӟонъёс» улсын бард кырӟанъёсъя фестиваль ортче. Со 2 арлы одӥг пол Тыло гуртын – Самсововлэн вордӥськем интыяз, радъяське. Фестиваль 23-тӥ каурусёнэ ортчоз. Туэ вожвылъяськонэ воштӥськонъес пыртэмын.

«Туэ фестивалямы быгатонлыкзэс возьматыны мылкыд каризы ӟуч кырӟасьёс но, — шуэ Пичи Пурга ёрос лыдӟиськонниысь ӧнерчи Елена Абдрахманова. — Соин ик выль номинаци ватсамы, кудаз пыриськыны быгато ӟуч но мукет кылъёсын кырӟанъёсты быдэстӥсьёс».

Самсонов улосчизэс данъян ужрадъёс Пичи Пурга ёросын коньывуонэ но кыстӥськозы на. Соку нырысьсэ радъяськоз «Удмурт гурт стенд-ап» ужрад. Отчы пыриськыны пичи пургаос ӧте сцена вылын вераськыны быгатӥсь, яратӥсь яке йондырись егитъёсты.

http://www.myudm.ru/

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий