Россиысь устооссэ йӧскалык изданиосты шараянъя вожвылъяськон 2020-тӥ арын Удмуртиын ортчоз

24-тӥ куарусёнэ Сочиын Туала журналистикая «Вся Россия – 2019» XXIII форумын конкурслэсь синпель кубоксэ Удмуртилы сётӥзы. Киысь кие ветлӥсь кубокез Башкириысь печатья но ивортодэт вӧлмытонъя агентствоен кивалтӥсь Борис Мелкоедов киысь «Удмуртия» телерадокомпанилэн кивалтӥсез Марина Городилова басьтӥз

Йӧскалык газетъёслэсь ӟечлыксэс эскеронъя вожвылъяськон Ивортодэт вӧлмытӥсь йӧскалык ёзэсъёслэн ассоциацизы кичӧлтэмен Россиысь журналистъёслэн огазеяськонзы но АРС-ПРЕСС юрттэм улсын ортчытӥське. Со йӧскалык изданиослы чаклам Россиын нырысетӥез конкурс луэ. Ужпумез – анай кылъёсты утён  но вӧлмытон, йӧскалык печатез азинтон но данзэс будэтон.

Тодэ вайытом, туэ вожвылъяськонэ Россиысь 16 улосвылъёсысь 20 кылъёсын потӥсь 51 изданиос пыриськизы. Удмуртия сётэм куриськонъёслэн лыдзыя азьветлӥсьёс пӧлы пырем сяна, вормисьёс пӧлы но шедиз. «Устоез газет» номинациын «Удмурт дунне» газет вормиз.

https://udmurt.media/udm/news/obshchestvo/66153/

Контентмейкер, мемолог и журналист

Дом Дружбы народов
Добавить комментарий