Россиын улӥсьёс Бадӟым этнографи диктант гожтӥзы

Визьзэс сынаны мылкыд каризы 80-лэсь трос улосъёс. Удмуртиын, Бадӟым этнографи диктантлэн кылдэм улосаз, 220 котыр площадкаос ужазы.

Ижкарысь Эшъяськон юртын ортчись ужрадэ калык 11 часлэсь азьвылгес ик люкаськыны кутскиз. Этнографи диктант 2-тӥзэ ортче ни ке но, тросэз туэ нырысьсэ вуизы.

Ужась егитъёсын, студентъёсын но арлыдоосын артэ визьзэс сынаны вуизы элькун кивалтӥсьёс но депутатаъёс. Историез, кунын улӥсь калыкъёс сярысь тодон-валанъёсты эскерыны, яке муромытыны соосты — со бордын возьытэз ӧвӧл, шуизы кивалтӥсьёс.

Этнографи диктант малпамын но нырысьсэ радъямын вал Удмуртиын. Туэ со быдэс Россие вӧлмиз. Вуоно арын но одно ик ортчоз — мургес пуштросэн, паськытгес географиен.

«Кылем арын улосвылъёсысь юанъёс воксё пыртэмын ӧй вал, — шуэ элькунысь йӧскалык политикая министр Лариса Буранова. — Анкетаез гожтӥзы быдэс Росси федерациысь адямиос. Туэ кӧня ке но юанъёссэ улосвылъёс асьсэ анкетаосазы пыртӥзы. Малпасько, вуоно арын ваньмыз умой луиз ке, улосвылъя юанъёс тросгес пырозы ини».

http://www.myudm.ru/

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий