Россилэн нуналэзлы сӥзем сӥё-дано митинг-концерт ортчоз Ижкарын

Программа 10 часын кутскоз, люкаськем калыкез ӟечкылалоз улосвыл тӧролэсь ужзэ огдырлы быдэсъясь Александр Бречалов, пинал кунмуртъёслы паспортъёс сётозы.

Удмуртиысь устоосыз куараос — Операя но балетъя кун театрысь солист, элькунысь дано артист Иван Ардашев но Удмуртиысь кун филармониысь солистка Лиля Третьякова — Удмуртилэсь но Россилэсь кункрезьёссэс быдэстозы.

Озьы ик асьсэлэсь быгатонлыкъёссэ возьматозы «Дай пять» театр студиысь, кырӟанъя «Энсолей» ансамбльысь пиналъёс но искусствоосъя 5 номеро школаысь хор, фольклор кырӟанъя но эктонъя «Айкай» театр, лулчеберетъя колледжысь студентъёс.

Чузъяськоз «Процветай, Россия!» кырӟан но. Сое гожтӥз Удмуртиысь крезьгурчи Евгения Копысова, быдэстозы Операя но балетъя кун театрысь солистка Ксения Долотова но Удмуртиын кун филармонилэн хор капеллаез.

http://udmurt.media/udm/news/kultura-i-turizm/20517/

 

Контентмейкер, мемолог и журналист

Дом Дружбы народов
Добавить комментарий