«Птица» театр Ижкарын Росси фестивальлэсь гран-призэ басьтӥз

Йӧскалык театр коллективъёслэн «Театр но нылпиос» Росси фестивальзы Ижкарын 12–14 куартолэзе ортчиз. Отчы Ярославль, Архангельск, Ростов улосвылъёсысь, Башкриысь, Марий Элысь, Татарстанысь, Чувашиысь но Удмуртиысь пиналъёслэн но егитъёслэн коллективъёссы пыриськизы.

Фестиваль улсын 13 спектакльёсты возьматӥзы. Дунъясьёс пӧлы пыризы: Россиысь В. Д. Поленов нимо калык творчествоя кун юртлэн театр искусствоя ёзэтэзлэн кивалтӥсез Марина Куц, режиссёр, театрысь но киноысь актриса Татьяна Уфимцева но Удмуртиысь театръёсын ужасьёслэн кенешсылэн тӧроез Александр Мустаев. Жюриен кивалтӥз Россиысь Большой театрлэн режиссёрез Сергей Терехов.

Фестивальлэсь гран-призэ басьтӥз Ижкарысь «Птица» театр. Режиссёрез Светлана Шанская анаезлэн Валентина Шанскаялэн пинал но егит дырыз сярысь «Издалека долго» спектакль пуктӥз. Лауреатлэсь дипломъёссэ басьтӥзы балетъя «Радуга» нылпи театр (Ижкар), «Надежда» дышетон театр (Ярославль) но «Дай пять» театр коллектив (Ижкар).

Тодэ вайытом, фестивале Удмуртиысь 6 коллектив пыриськиз.

http://udmurt.media/

 

Контентмейкер, мемолог и журналист

Дом Дружбы народов
Добавить комментарий