Приволжск федерал округысь ужбергатӥсьёс Китае мынӥзы

Отчы пыризы Элькун тӧролэсь ужзэ быдэсъясь Александр Бречалов, Кивалтэтлэн тӧроезлэн воштӥсез Михаил Хомич, Ижкарлэн тӧроез Юрий Тюрин. Туннэ Хофей городын «Волга-Янцзы» нимо кенешонлэн кыкетӥ пумиськонэз ортче.

Асьме бизнесменъёс Китайын Удмуртилэсь представительствозэ усьтыны ӵектизы. Кызьы вераз Александр Бречалов, герӟетъёс тупатыны котыр ласянь умой луысал. Та дырозь Элькунлэн но Ижкарлэн Китаен кусыпъёсыз ӧй вал на. Но соосты одно азинтыны кулэ – со бадӟым вузпӧр.

Али Китай но Удмуртия куспын 70 пала инвестпроектъёс кылдытэмын, 21-ез соос пӧлысь улонэ пыӵаны кутско ини.

Удмуртилэн луонлыкъёсыныз мургес тодматскон вылысь, Китайысь делегациез Ижкаре ӧтёзы. Коньывуонэ «Бизнес-мост Удмуртии» нимо калыккуспо форум ортчоз.

http://www.myudm.ru/

Контентмейкер, мемолог и журналист

Дом Дружбы народов
Добавить комментарий