«Пичи Чеберайёс но Батыръёс» элькун фестиваль йылпумъяськиз Ижкарын

«Милям кыкетӥ арзэ ни быдэс элькун кадь пыриське. Ӧз пыриське со ёросъёс гинэ, кытын уг дышето удмурт кылэз нылпи садъёсын. Мон шумпотӥсько, тани калыкез дышетонъя министерствоен ӵош кусып шедьтӥмы шуыса. Пыриськемзы потэ ни. Пыриськемзы потэ визьнодасьёслэн, пиналъёссэс дышетэмзы потэ, пыриськемзы потэ анай-атайёслэн», — пусйиз фестивалез радъясь, «Удмурт нылкышно кенеш» огазеяськонлэн кивалтӥсез Надежда Степанова.

Радъясьёс котькуд ар пиналъёсты шумпоттыны тыршо, мед соослэн азьланяз но удмурт кылэз дышетыны мылкыдзы луоз шуыса. Соин ик фестивальлэн йылпумъян люкетаз вормисьёсты уг висъяло ни. Соос ваньзы вормисьёс, шуэ Надежда Степанова.

«Удмурт нылкышно кенеш» огазеяськонлэн кивалтӥсез ивортэмъя, фестиваль нырысь ик удмурт кылэз азинтон понна радъяське. Вакчи дыр куспын конкурслы дасяськыса пиналъёс тодо, марлэсь удмурт сиён пӧрало, буёлъёслэсь удмурт нимъёссэс, вашкала удмурт батыръёс сярысь.

Надежда Степанова малпамъя, вожвылъяськон анай-атайёслы оскон сётоз, соос шонер сюрес вылын шуыса. Нош пиналъёслы со, оло, азьланяз артист улонэ нырысетӥ вамыш луоз.

http://udmurt.media/udm/news/kultura-i-turizm/27206/

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий