Пичи Пурга ёрослэн нуналъёсыз кутскозы Ижкарын 19-тӥ шуркынмонэ

Ӵектос Пичи Пурга ёросэз инвесторъёслы, егит ӧнерчиослы но туристъёслы тунсыко карон понна радъяське.

19-тӥ шуркынмонэ Пичи Пурга ёрослэн но Ижкарлэн тӧрооссылэн пумиськонзы ортчоз. Озьы ик отчы вылӥ но шоръёзо ӧнер дышетсконниосысь студентъёс пыриськозы. Пумиськонын муниципал кылдытэтъёслэн администрациоссы куспын валче ужан сярысь тупанкыл кинюртозы.

Со нуналэ ик 18 час 30 минутэ Суредан устолыкъя элькун музейын «Пурга – колыбель южных удмуртов» интерактивной адӟытон усьтӥськоз. Со ёрослэн 90 ар тырмонэзлы но Удмуртилэн кунлыкезлы 100 ар тырмонлы сӥземын луоз.

21-тӥ шуркынмонэ Суредан устолыкъя элькун музейын Вуж Мӧньяысь киужъёсъя юртысь кибашлыослэн мастер-классъёсы ортчозы.

27-тӥ шуркынмонэ отын ик Татьяна Москвина удмурт дӥськутлэн историеныз тодматоз.

30-тӥ шуркынмонэ Ӟуч юртын Пичи Пурга ёросысь гурт возёсын поттэм вузъёсын адӟытон-вузкарон ортчоз.

8-тӥ толсуре 15 часын Удмуртиысь кун филармониын «Пурга ӝыт» концерт радъяськоз. Отчы тодмо коллективъёс но кырӟасьёс пыриськозы: «Брангуртысь песянайёс», «Арганчи», «Айкай», «Италмас», «Шулдыр ӝыт», Андрей Корнилов, Богдан Анфиногенов.

https://udmurt.media/udm/news/obshchestvo/69741/

 

Контентмейкер, мемолог и журналист

Дом Дружбы народов
Добавить комментарий