Пичи Пургаос нош ик удмурт дэремъёссэс дӥсялозы

Аспӧртэм акци ёросын кыкетӥ арзэ радъяське. Миым мытэм ужзы калыклы кельшиз.
 
Кылем арын ортчем ужрад дыръя калык дӥськут Пичи Пургаын котькытын кузёяськиз, шуыны луоз – арлыдоослэн огазеяськоназы, нылпи садын, школаын.
 
Таӵе амалэн Пичи Пурга нош ик ассэ йӧскалык дӥськут ласянь устолыко луэмзэ возьматӥз. Татын со музей экспонат интыын ӧвӧл. Вашкалаосын малпам-кылдытэм дэремъёс туннэ но чебересь но синмаськымонэсь. Пичи Пургаос ужрадзы борды мукет ёросъёсты но итӥськыны ӧтё.
 
«Кема аръёс ӵоже Пичи Пургаез удмурт дэремлэн музъемез шуо, – вера Пичи Пурга администрациысь лулчеберетъя ёзэтэн кивалтӥсь Лариса Коровина. Но малпасько, анай кыллэн нуналаз асьсэ дӥськутзэс дӥсялозы Пургалан улӥсь бигеръёс но, ӟучъёс но. Ми ваньмы озьы мыном ужан интыосамы, мукет ужрадъёсы, куное. Соин ик ми, Пургалан улӥсьёс, туж возьмаськом ини 21-тӥ тулыспалэз».

Дом Дружбы народов
Добавить комментарий