Пичи Пургалась ветеран Александра Кузнецова парадэз адӟиз

— Мыным парадын туж кельшиз. Нырысетӥ радын пуким, ваньзэ матысен адӟим. Тужгес яраз военной техника. Горд площадетӥ кыӵеез но ӧз ортчы! — пайме азьвыл зенитчица, Александра Кузнецова.

Александра Александровнаен ӵош та парадэз адӟизы быдэс странаысьтымы уно ветеранъёс. Соослы нимаз бадӟым трибуна висъямын вал.

— Парад туж ӟеч радъямын вал, — вера А. Кузнецовалэн внучкаез Елена Бубякина. — Милемлы азьвыл ик сётӥзы ӧтёнъёс, соосты возьматыса, волонтёръёс милемыз трибунаос дорозь келязы, пуктӥзы. Парадын 3 час пукыса, эбылямы, угось куазь туж кезьыт вал, озьы ке но мылкыдмы бурдъяськемын.

А. Кузнецовалы парадэ вуылыны шуд усиз, А. Бречалов юрттэмен. Тӧролэсь ужзэ быдэсъясь кемалась ӧвӧл вуылӥз Пичи Пургалась ветеранъёс доры. Соку Александра Александровна вераз, Горд площадьысь парадэз адӟемез туж потэ шуыса. Вакчи дыр куспын солы сыӵе луонлык кылдытэмын вал. Москваын шаерысьтымы куноосыз пумитазы Удмуртилэн Тӧроезлэн Россиысь Президент бордын ужась представительствояз тыршисьёс, соос ик кӧлыны интыязы.

http://udmdunne.ru/2017/05/pichi-purgalas-veteran-aleksandra-kuznecova-paradehz-ad%D3%9Fiz/

Контентмейкер, мемолог и журналист

Дом Дружбы народов
Добавить комментарий