«Палэзян» азьланьтӥське

Со вакытэ ик Ижкарысь 11 номеро школае финн калык инструментэн кантелен шудись Минной Раскинен но Марий Элысь «Куат» группа лыктозы. Пиналъёсты ас творчествоенызы тодматозы.

Озьы ик «Кенеш» журналлэн редакцияз финн-угор дуннеысь кылбурчиос пумиськозы.

14 часын Калыкъёслэн Эшъяськон юртазы котырес ӝӧк сьӧрын люкаськозы этномодаез улонэ пыӵатӥсьёс. «Орнаментальные мотивы: традиция и современность» темая вераськон мыноз. Модераторез модая «Ажиотаж» театрлэн кивалтӥсез Олег Ажгихин. Шаерысьтымы тодмо но али кутскись дизайнеръёс люкаськемъёсты удмурт костюмен, чеберъяськон тӥрлыкъёсын тодматозы. Кылсярысь, Татьяна Москвина туала удмурт дӥсьёссэ возьматоз, Василий Стпеанов – кильтро арбериоссэ. Нош куноос асьсэ шаеразы модалэн азинскемез сярысь фото-видеоужъёссэс возьматозы.

Озьы ик 14 часын «Бобровая долина» этнокомплексын финн-угор рок-группаос бытатонлыкъёссэс возьматозы. Со Удмуртиысь « Silent Woo Goore», Комиысь «Малыми» но «Севериада», Марий Элысь «Куат» группаос. Соосын ӵош финн калык инструментэн кантелен шудӥсь Минной Раскинен.

Фестивальлэн кыкетӥ нуналэз «Лудорвай» музей-заповедникын йылпумъяськоз. 17 часын «Сельское сакральное пространство народов Урало-Поволжья» калыккуспо этнографияя симпозиум улсын этношулдыръяськон ортчоз.

Дом Дружбы народов
Добавить комментарий