Паймытӥзы чеберенызы но устолыкенызы

“Кыче чебересь, визьмоесь, йӧноесь, кибашлыесь асьмелэн нылъёсмы но нылкышноосмы. Мар но лэсьтыны уг быгато соос: экто, кырӟало-верало, нылпи будэто, киужен выро, общественной уж нуо, пӧртэм ужрадъёсы пырисько, адӟем карымон ужало. Ваньзэ та устолыксэс адӟыны луиз “Чеберай” элькун конкурслэн нырысетӥ этапаз”, – гожтэ Людмила Сурчакова.

Жюрилы туж секын ке но вал устооссэ бырйыны, одӥг кылэ вуизы ик. 2020-тӥ арын ортчоно конкурсэ пыриськон понна бырйизы куинь тужгес но синмаськымон нылъёсты но нылкышноосты.

Вормисьёс пӧлы шедизы:

  • Алнаш школаын покчи нылпиосты дышетӥсь Надежда Самсонова но ёрос библиотекаын ужась Анастасия Васильева (18-35)
  • Байтэрек библиотекаын ужась Алевтина Тарасова (55+).
  • Учкисьёслэсь кузьымзэс басьтӥз “Родничок” нылпи садлэн кивалтӥсез Алёна Петрова.
  • Нош клубын тыршись Анна Охотниковалы нимысьтыз кузьым сётэмын – профессиональной фотограф дорын фотосессие пыриськон.

Контентмейкер, мемолог и журналист

Дом Дружбы народов
Добавить комментарий