Нылпиос кылбур лыдӟизы пунылы

Синтэм муртлы юрттӥсь пунылы (поводырь) кылбуръёс лыдӟизы 56 номеро школаысь 2-тӥ-3-тӥ классын дышетскисьёс. Татын чузъяськизы Владимир Романов писательлэн чуръёсыз.

Европаын собакотерапия висись муртъёс, пуныен вераськыса, йӧнатско — кемалась вӧлмемын ни. Асьме дорын сыӵе ужрад нырысьсэ ортчиз. Сое ортчытыны дэмлазы Йӧскалык библиотекаысь шаертодонъя ёзэтысь ужасьёс.

Ижысь сукыр адямиослэн библиотекаязы ужась Дмитрий Дружинин нылпиосын пумиськыны шумпотыса лыктӥз. Ида пуныеныз со ачиз кадь ик ляб адӟись нылпиос доры вуылэ, соосты ньыль пыдо эшеныз тодматэ.

“Ида мыным эшлэсь но матын, уж дурам нуэ-вае, сюрес вамен поттэ, ми соин быдэс нунал ӵоже ум люкиськылӥське. Ог-огмес 4 ар ӵоже ӟеч валаны дышим ини”, — шуэ Д. Дружинин.

Нылпиос Идалы ваньзы ӵош «Куча-куча-кучапи» удмурт кылбурез лыдӟизы, эшшо кырӟазы на.

Ида мурт киысь номыре кутыны уг яра шуыса дышетэмын, но гимназиысь нылпиослы сокем синмаськем, лэся, печеннязэс шумпотыса сииз, нылпиосын шудӥз.

https://udmdunne.ru/2018/11/nylpios-kylbur-lyd%D3%9Fizy-punyly/

 

Контентмейкер, мемолог и журналист

Дом Дружбы народов
Добавить комментарий