Нылпиослы «Ерпечкаос» удмурт клуб ужалоз Москваын

“Нылпиослы клубын пиналъёс удмурт кылын вераськыны, кылбуръёс лыдӟыны, кырӟанъёс кырӟаны дышетскозы, йӧскалык сиён-юонъёсын, калык шудонъёсын тодматскозы, мастер-классъёсы пыриськозы”, – иворто нылпиослы «Ерпечкаос» удмурт клубез радъясьёс.

Клублэн ужпумез – Москваын улӥсь пиналъёсты удмурт лулчеберетэн тодматон, нылпиосты но бадӟымъёсты огазеян, озьы ик «Песянайлэн нуналэз» праздниклы дасяськон.

Пиналъёсын ӵош занятиосы анай-атайёс, песянай-песятайёс но пыриськыны быгатозы.

Радъясьёс верамъя, удмуртъёслэн бӧлякенызы ортчытъяськись ужрадъёсы пиналъёс мыло-кыдо ветло. Соос «Песянайлэн нуналэз», «Удмурт дырпус йылолъёс», «Быдӟымнунал», «Удмуртиысь куас сюресъёс» ӵектосъёсы пыриськизы ини.

https://udmurt.media/udm/news/obshchestvo/66433/

Контентмейкер, мемолог и журналист

Дом Дружбы народов
Добавить комментарий