«Нуныкай» центрен тодматскон ортчиз Ижкарын

Пумиськонлы мылкыд сётӥзы «Камали» студиысь пинал кырӟасьёс. Собере нылпиос, арлыдзыя группаослы люкиськыса, пӧртэм сатнциосъя кошкизы: кылэз волятон площадкаын соосты пумитаз Таня апай (Татьяна Волкова), киужен вырон интыын — Вера апай (Вера Дубовцева), крезьгуръя урокез ортчытиз Вероника апай (Вероника Фёдорова), сильвирез кыдытӥсь шудонъёс нуизы Лена апай но Люба апай (Елена Фролова но Любовь Михайлова). Та ӧръёсъя ик уж мыноз «Нуныкай» центрын.

Тодэ вайытом, «Нуныкай» 9-тӥ куарусёнэ ужаны кутскоз. Интыяськоз Карл Маркс ульчаысь 395 номеро юртын «Сёма» центрын. Отчы 2 аресысен 9 аресозь удмурт кылын вераськись яке кылэз валась пиналъёс ветлыны быгатозы.

«Арнялы быдэ субботаосы ужаломы, 11 часын котькуд занятимы кутскоз 9-тӥ куарусён толэзьысен, — вера Ольга Бикузина, «Нуныкай» ӵектослэн кивалтӥсез. — Милям луозы пӧртэм занятиос. Али тани станциосъя ветло нылпиос, со выллем ик луозы занятиос. Киужен вырозы, собере кырӟан занятиос, мар ке но крезьгурен выромы, собере куинетӥез — кылэз волятон, дышетӥсьёс ужалозы удмурт кылыны тросгес мед вераськомы шуыса. Валтӥсь малпанэз татын — именно удмурт кылын мед вераськозы шуыса, валаны мед тыршозы».

Нылпиосты кык группалы люкозы: 2–4 аресъемъёс но 5–9 аресъемъёс. Нимаз висъетъёсын соос понна арлыдзыя тупась занятиос ортчозы. Пичиослэн со кыстӥськоз 15 минут, бадӟымъёслэн — 30 минут. Висказ ваньзы пиналъёс ӵошен шудыны быгатозы.

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий